西西弗斯之歌
西西弗斯之歌
本地獨立名團My Little Airport，在網絡發表新歌《西西弗斯之歌》，愈聽愈過癮。
我們總是過著枯燥乏味的生活，這歌主角亦然，在結識不了朋友的沉悶工作環境裏，主音Nicole說唱：「我諗到一個方法抗衡」——就是以捉弄投注客人尋找生趣，苦中作樂。及後歌詞畫公仔畫出腸，提及希臘神話中西西弗斯的故事，西西弗斯遭受諸神懲罰，要從山上推倒石頭，然後再把石頭推上山，日日如是，面對這個徒勞無功，但不可抗命的懲罰，他通過自我意識抗衡，即衊視命運，享受推石頭的過程，從而感受快樂。
想當年，修讀存在主義的哲學課程時，西西弗斯的故事是必讀文本，可見這則神話對於人們理解生存狀態，是何等重要。你能否定我們過著徒勞無功，而且不可抗命的生活嗎？生命本是荒謬、痛苦，但人能通過自我意識抵抗，通過策略（把戲）處世，讓自己活得快樂。
根據存在主義論述，察覺不到生命是荒謬的人，是最低層次的。想太多，不是庸人自擾嗎？但願，大智若愚。
西西弗斯之歌
引用自：西西弗斯之歌
曲詞編 林阿p
唱 nicole
呢年嚟我有幾份兼職
其中嘅一份
係幫啲馬迷落注
喺電話投注中心
喺裡面我識唔到朋友
返工食飯, 都係一個人
我已經悶到抽筋
但要維生 我諗到一個方法抗衡
開閘前半分鐘
總有好急嘅客人
落注嘅時侯夾雜粗口
聽到我一舊雲
但佢地愈係忟
我就愈係斯文
我話：「麻煩你重複一次」
搞到夠鐘開閘 佢地就問候我屋企人
佢鬧我正一懵撚
話要叫個經理出嚟問
我都好有禮貌咁回應：
「先生，麻煩你等等」
我既緊張又興奮
同時又扮晒殷勤
喺呢個心情咁複雜嘅搏鬥裡面
我開始搵到工作嘅快感
希臘神話有一個故事，講述西西弗斯受到諸神嘅懲罰，要喺地獄不斷推一塊巨石上山；上到山頂，巨石又會自動碌返落山腳，佢每日都要重複呢種徒勞無功嘅工作，直到永恆。後人有一個講法，話諸神並唔係用「推石頭」嚟懲罰西西弗斯，而係用觀念，用「我永世都要推石頭實在太慘」嘅呢個觀念。西西弗斯知道自己改變唔到命運，佢唯一可以做嘅，就係繼續推石頭。直到有一日，佢發現佢可以蔑視自己嘅命運，甚至用享受呢個過程嚟去否定諸神對佢嘅懲罰，於是，佢感覺到自己係快樂嘅。
西西弗斯之歌 影片
影片：my little airport - 西西弗斯之歌
